Баспасөз-түйін

ҚАЗАҚСТАН РЕСПУБЛИКАСЫ ҚАРЖЫ МИНИСТРЛІГІНІҢ МЕМЛЕКЕТТІК КІРІСТЕР КОМИТЕТІ

Бүгін Сочи қаласында (Ресей Федерациясы) Тәуелсіз Мемлекеттер Достастығына қатысушы мемлекеттер кеден қызметтерінің басшылары кеңесінің 60-отырысы болып өтті.

Осы отырыс Тәуелсіз Мемлекеттер Достастығына қатысушы мемлекеттердің кеден қызметтері басшыларының кеңесі үшін мерейтойлы болып табылады.

Отырыс шеңберінде алғаш шығарылып отырған мәселелер де (Кеден одағының кедендік шекарасы арқылы тасымалданатын тауарлар мен көлік құралдары туралы алдын ала хабардар етуді Кеден одағында енгізу туралы), алдыңғы отырыс қорытындылары бойынша пысықталған мәселелер де (Тауарлардың кедендік құнын анықтау және бақылау үшін ақпарат алмасу туралы және 1994 жылғы 15 сәуірдегі Кеден істерінде ынтымақтастық пен өзара көмек туралы келісімге өзгерістер енгізу туралы келісім жобасы туралы) қарастырылды.

60-отырыста кедендік бақылау мен кедендік ресімдеуге, транзиттік жүйеге қатысты мәселелер қарастырылды. Бірқатар мәселелер мемлекеттік кірістер органдары құқық қорғау бөлімшелерінің құзыретіне қатысты болды.

Сондай-ақ отырыста Кеңестің алдыңғы 59-отырысында қабылданған шешімдердің орындалу барысы туралы ақпарат, сондай-ақ Достастықтың теміржол көлігі жөніндегі кеңесінің отырысында  1998 жылғы 4 қарашада бекітілген Теміржол көлігімен тасымалданатын тауарларды кедендік ресімдеу және бақылау кезінде ТМД қатысушы мемлекеттер кеден қызметтерінің және теміржол әкімшілерінің өзара іс-қимылы үлгілік технологиясына өзгерістер енгізу туралы хаттама жобасының мәтінін мақұлдау қарастырылды. 

Қатысушылардың пікірі бойынша отырыста пысықталған сындарлы идеялар мен ұсынымдар сыртқы экономикалық диалогқа, кеден мен бизнестің өзара іс-қимыл жасауын кеңейтуге оң әсерін тигізеді, елдер арасында өзара түсіністік пен сенімнің өсуіне жәрдемдесетін болады.

ҚР ҚМ МКК Баспасөз қызметі