Баспасөз-түйін: Бүгін Сочи қаласында (Ресей Федерациясы) Кеден одағына мүше мемлекеттердің кеден қызметтері біріккен алқасының 13-отырысы өтуде.

Отырысқа бақылаушылар ретінде Қырғыз Республикасы, Армения және Украина Республикалары, Тәжікстан Республикасы мен Молдова Республикасы кеден қызметтерінің делегациялары қатысады. 

Тараптар тәуекелдерді басқару жүйесіне, Кеден одағы сыртқы экономикалық қызметінің бірыңғай тауар номенклатурасына сәйкес тауарлардың сыныптамасына байланысты, Кеден одағының аумағында тауарлардың транзиті кезінде кедендік баждардың, салықтардың төленуін қамтамасыз етудің бірыңғай жүйесін қалыптастыру туралы мәселелердің кең ауқымын, Кеден одағына мүше мемлекеттердің кеден қызметтері біріккен алқасының жанындағы жұмыс топтары қызметінің нәтижелерін қарастырады.

Сондай-ақ Кеден одағына мүше мемлекеттердің кеден органдары арасында әкімшілік құқық бұзушылықтар мен оларды жасаған адамдар туралы электрондық түрде ақпарат алмасу технологиясын, кеден одағына мүше мемлекеттердің кеден қызметтері арасында Кеден одағына мүше мемлекеттердің заңнамасында белгіленген салықтардың мөлшерлемелері туралы нормативтік-анықтамалық ақпараттық деректер алмасудың техникалық шарттары, кедендік рәсімдермен жеке тұлғалар тасымалдайтын тауарларды орналастыру кезінде кедендік операцияларды жасау тәртібі жөніндегі ұсынымдарды бекіту жоспарланып отыр.  

Аталған мәселелерді қарастыру өзекті және олар бойынша қабылданған шешімдер Кеден одағының аумағында кедендік әкімшілендіру шеңберінде бірлескен қызметті оңтайландыруға бағытталған. 

ҚР ҚМ МКК Баспасөз қызметі