Баспасөз-түйіндеме

   Өзбекістан Республикасы шекарасындағы           кеден бекеттерінде көлік құралдарының шоғырлауын реттеу мәселесі туралы

Соңғы кезде, ағымдағы жылдың 1 – 7 тамызы аралығында, қазақ-өзбек шекарасында орналасқан «Б.Қонысбаев» өткізу пунктіндеҚазақстан Республикасы жағынан 315 данаға жүк автокөліктерінің шоғырлануы ұлғайды.

Бұрын, мемлекеттік кірістер органдары Өзбекістан Республика бағытына таяу және алыс шетелдерден Қазақстанның транзит коридоры арқылы жол жүретін көлік құралдарының жүктасқынының едәуір ұлғаюы аталған шоғырланудың себебі болды деп түсіндірді. 

А.ж. 7 тамызында Қаржы министрлігінің Мемлекеттік кірістер комитетімен шоғырлану мәселесін шешу үшін, Өзбекістан Республикасының Кеден қызметіне хат жолданды. Соның салдарынан, соңғы аптада Өзбекістан жағы автокөлік құралдарының өткізуін 160 данаға дейін ұлғайтты. 

Сонымен қатар, Мемлекеттік кірістер комитетінің хабарлауы бойынша, аталған мәселе тұрақты бақылауға алынған.  

А.ж. 18 тамызында Қазақстан Республикасы Қаржы министрлігінің Мемлекеттік кірістер комитетінің Төрағасы Ардақ Теңгебаев мәселені орнында анықтау үшін жұмыс бабымен Түркістан облысына жол жүрді. 

Сапар барысында, Өзбекістан Республикасының Мемлекеттік Кедендік комитетінің Төрағасы Мұраджан Бердиалиевич Азимовпен кездесу жүргізілді, соның шеңберінде, орын алған мәселенің туындау себебі талқыланып, оны болдырмау бойынша нақты міндеттер мен бағыттар айқындалды.

Екіжақты кездесу және қабылданған жедел іс-шаралардың нәтижесінде, ағымдағы жылдың 18 тамызы жағдайына «Б.Қонысбаев» өткізу пунктінде автокөліктердің шоғырлануы 60 данаға дейін төмендеуі қамтамасыз етілді.