2022 жылдың 13 қаңтарында сағ. 22:00-де «Электронды шот-фактуралар» ақпараттық жүйесінде Сыртқы экономикалық қызметтің тауарлар номенклатурасы (СЭҚ ТН) кодтарының сабақтастығы тетіктерін пысықтау бөлігінде жүйені жаңарту жүргізілді. Бұл туралы ҚР ҚМ Мемлекеттік кірістер комитетінде хабарлады.

1. Бастапқы тауарларға ілеспе жүкқұжаттарды ресімдеу кезіндегі Сыртқы экономикалық қызметтің тауарлар номенклатурасы (СЭҚ ТН)  кодтарының сабақтастығы:

• егер тауарды жөнелту күніне сыртқы экономикалық қызметтің тауарлар номенклатурасы коды белсенді болмаса және мұрагері болса, сыртқы экономикалық қызметтің тауарлар номенклатурасы кодын өзгерту мүмкіндігі қосылды. Бұл жағдайда жүйе автоматты түрде сыртқы экономикалық қызметтің тауарлар номенклатурасы кодын Виртуалды қойманың жаһандық анықтамалығынан мұрагерге ауыстырады;
• егер бастапқы тауарларға ілеспе жүкқұжаттарды ресімдеу кезінде тауарды тиеп-жөнелту күніне сыртқы экономикалық қызметтің тауарлар номенклатурасы коды белсенді болмаса және мұрагері БОЛМАСА, жүйе қолданыстағы сыртқы экономикалық қызметтің тауарлар номенклатурасының басқа кодын көрсетуге рұқсат береді;
• Бұл ретте сыртқы экономикалық қызметтің тауарлар номенклатурасы кодының тауарларға ілеспе жүкқұжаттар негізіндегі ЭШФ тауарларға ілеспе жүкқұжаттарда көрсетілген кодқа сәйкес келуі тиіс.

13.01.2022 жылдан бастап тауарларға ілеспе жүкқұжаттарды ресімдеу кезінде тауарды тиеп-жөнелту күніне қолданылатын сыртқы экономикалық қызметтің тауарлар номенклатурасы кодтарын пайдалану қажет.

Импортқа/экспортқа тауарларға ілеспе жүкқұжаттарда, егер тиеп-жөнелту күні толтырылмаса, жазып беру күніне қолданылатын сыртқы экономикалық қызметтің тауарлар номенклатурасы кодтарын пайдалану қажет.

Сыртқы экономикалық қызметтің тауарлар номенклатурасы кодының тауарларға ілеспе жүкқұжаттар негізіндегі ЭШФ-да тауарларға ілеспе жүкқұжаттарына сәйкестігі тексеріледі.

2. Тауарларға ілеспе жүкқұжаттарсыз негізгі ЭШФ жазып беру кезіндегі Сыртқы экономикалық қызметтің тауарлар номенклатурасы кодтарының сабақтастығы:

• Егер айналым жасалған күні негізгі ЭШФ жазып берген кезде Сыртқы экономикалық қызметтің тауарлар номенклатурасы (СЭҚ ТН) коды белсенді болмаса және оның мұрагері БОЛМАСА, СЭҚ ТН кодын өзгерту мүмкіндігі қосылды. Бұл жағдайда жүйе автоматты түрде СЭҚ ТН кодын Виртуалды қойманың жаһандық анықтамалығынан мұрагерге ауыстырады.
• Егер айналым жасалған күні негізгі ЭШФ жазып берген кезде СЭҚ ТН коды белсенді болмаса және мұрагері болмаса, жүйе қолданыстағы СЭҚ ТН басқа кодын көрсетуге рұқсат береді.

Тауарларға ілеспе жүкқұжаттарсыз ЭШФ жазып берген кезде айналым жасалған күні қолданыста болған СЭҚ ТН кодтарын пайдалану қажет.

API бойынша жұмыс істеу кезінде

Xml файлын импорттау кезінде жүйе Сыртқы экономикалық қызметтің тауарлар номенклатурасы (СЭҚ ТН) кодының сабақтастығын тексереді.

1.Егер Виртуалды қойманың жаһандық анықтамалығында Виртуалды қоймадағы тауардың Сыртқы экономикалық қызметтің тауарлар номенклатурасы  коды «белсенді емес» мәртебесіне ие болса және белсенді мұрагері болса, онда мұрагер кодын пайдалану қажет.

2.Егер Виртуалды қоймадағы тауардың Сыртқы экономикалық қызметтің тауарлар номенклатурасы коды Виртуалды қойманың жаһандық анықтамалығында «белсенді емес» мәртебесіне ие болса және белсенді мұрагері БОЛМАСА, қолданыстағы Сыртқы экономикалық қызметтің тауарлар номенклатурасы коды басқа кодын пайдалануға болады.

Тауарларға ілеспе жүкқұжаттарды қайтаруға, түзетілген, қосымша ЭШФ ресімдеу бойынша

Тауарларға ілеспе жүкқұжаттарды қайтаруға, түзетілген, қосымша ЭШФ ресімдеу кезіндегі Сыртқы экономикалық қызметтің тауарлар номенклатурасы кодтарының сабақтастық тетігі жүйеде 2021 жылғы 10 желтоқсаннан бастап іске асырылды.