БАСПАСӨЗ ХАБАРЛАМАСЫ

2020 жылғы қаңтар-қазан айларында салық түсімдері бойынша мемлекеттік бюджет жоспарының орындалуы туралы

Ағымдағы жылдың қаңтар-қазан айларында мемлекеттік бюджетке салық түсімдері бойынша жоспар 91,4%, оның ішінде республикалық бюджет 83,0% және жергілікті бюджет 110,5% орындалды.

Есепті кезеңде мемлекеттік бюджетке түскен салық түсімдері өткен жылдың ұқсас кезеңіне қарағанда 9,7%-ға (немесе 680,1 млрд.теңгеге) төмендеумен 6 355,4 млрд. теңгені құрады. Оның ішінде республикалық бюджет бойынша 22,3%-ға (немесе 1 145,8 млрд.теңгеге) төмендеді, жергілікті бюджет бойынша 24,6%-ға (немесе 465,6 млрд. теңгеге) өсті.

Республикалық салықтар бөлігінде орындалмау КТС (21,7%-ға), ІТӨ-ге ҚҚС (29,2%-ға), 3-інші елдерден импортқа ҚҚС (31,1%-ға) және ЕАЭО елдерінен импортқа ҚҚС (21,7-ға) бойынша байқалады.

Көрсетілген салықтар бойынша түсімдер өткен жылдың ұқсас кезеңімен салыстырғанда КТС (29,2%-ға), ІТӨ-ге ҚҚС (13,3%-ға) және 3-інші елдерден импортқа ҚҚС бойынша (4,4%-ға) төмендеді.

Төмендеудің себебі сыртқы және ішкі факторларға байланысты экономикалық ахуалдың нашарлауы болып табылады.

2019 жылдың ұқсас кезеңімен салыстырғанда негізгі экспорттық позицияларға, оның ішінде мұнайға 36,0%, мырышқа 14,3%, қорғасынға 10,3%, алюминийге 8,6%, мысқа 1,7%, бағаның төмендеуі байқалады.

2020 жылғы 10 айда үшінші елдермен тауар айналымы 14,3%-ға төмендеді (экспорт 19,3%-ға, импорт 3,9%-ға).

2020 жылғы 10 айда іске асыру бойынша айналымдар 2019 жылдың ұқсас кезеңімен салыстырғанда 11,9%-ға төмендеді (72 730 млрд. теңгеден 70 234 млрд. теңгеге дейін).

Көрсетілген кезеңде бір салық төлеушіге онлайн БКМ орташа түсімі 8,0%-ға төмендеді (40,8 млн.теңгеден 37,5 млн. теңгеге дейін).

Коронавирустың таралуы ҚХР-мен көлік құралдары санының 6,1%-ға, оның ішінде автокөлік құралдарының 51,4%-ға төмендеуіне әкелді. Ағымдағы жылғы қаңтар-қазан айларында импорттың іс жүзіндегі көлемі 23,1%-ға төмендеді (1 852 мың тоннадан 1 425 мың тоннаға дейін).

Соның салдарынан, ҚХР-дан тауарлар импортынан кедендік баждар мен салықтардың түсімі 4,4%-ға немесе 13,6 млрд. теңгеге азайды.

2020 жылғы қаңтар-қазан ЕАЭО елдерінен бөлінген баждар 10,9%-ға (271 млрд. теңгеден 242 млрд.теңгеге дейін) төмендеді.

Ағымдағы жылғы 10 айда жергілікті бюджетке түсетін салық түсімдері бойынша жоспар 225,1 млрд.теңгеге артық орындаумен, 110,5% орындалды.

ЖБ-ға салық түсімдері 2 358,5 млрд. теңгені құрады, өткен жылдың ұқсас кезеңімен салыстырғанда 24,6%-ға (немесе 465,6 млрд.теңгеге) өсті.

Жергілікті бюджет жоспарының артығымен орындалуына корпоративті табыс салығының жергілікті бюджетке берілуі әсер етті.