Қазақстан Республикасы Қаржы министрлігінің Мемлекеттік кірістер комитеті «Салықтық өтініштердің нысандарын бекіту туралы» Қазақстан Республикасы Қаржы министрінің 2018 жылғы 12 ақпандағы № 160 бұйрығын (Қазақстан Республикасы Әділет министрлігінде 2018 жылғы 26 ақпандағы № 16425 болып тіркелген)

«Салық және бюджетке төленетін басқа да міндетті төлемдер туралы»  2017 жылғы 25 желтоқсандағы Қазақстан Республикасы Кодексінің (Салық кодексі) 206-бабына сәйкес БҰЙЫРАМЫН:

1. Қоса беріліп отырған салықтық өтініштердің нысандары бекітілсін:

1) осы бұйрыққа 1-қосымшаға сәйкес салықтық тексеру жүргізу туралы;

2) осы бұйрыққа 2-қосымшаға сәйкес қызметті тоқтату туралы;

3) осы бұйрыққа 3-қосымшаға сәйкес салық төлеушінің (салық агентінің) салық есептілігін кері қайтарып алу туралы;

4) осы бұйрыққа 4-қосымшаға сәйкес салық есептілігін табыс етуді тоқтата тұру (ұзарту, қайта бастау) туралы;

5) осы бұйрыққа 5-қосымшаға сәйкес қосарланған салық салуды болдырмау туралы халықаралық шарттың негізінде төленген кіріс салығын бюджеттен қайтаруға;

6) осы бұйрыққа 6-қосымшаға сәйкес салықтық резиденттігін растауға арналған;

7) осы бұйрыққа 7-қосымшаға сәйкес Қазақстан Республикасындағы көздерден алынған кірістері және ұстап қалған (төленген) салықтардың сомасы туралы анықтаманы алуға;

8) осы бұйрыққа 8-қосымшаға сәйкес тіркеу есебіне қою туралы;

9) осы бұйрыққа 9-қосымшаға сәйкес тіркеу есебінен шығару туралы;

10) осы бұйрыққа 10-қосымшаға сәйкес жеке практикамен айналысатын адамның тіркеу есебі туралы;

11) осы бұйрыққа 11-қосымшаға сәйкес қосылған құн салығы бойынша тіркеу есебі туралы;

12) осы бұйрыққа 12-қосымшаға сәйкес электронды салық төлеушінің тіркеу есебі туралы;

13) осы бұйрыққа 13-қосымшаға сәйкес  грант қаражаттары есебінен сатып алынатын тауарлар, жұмыстар, қызмет көрсетулер бойынша төленген қосылған құн салығын қайтару туралы;

14) осы бұйрыққа 14-қосымшаға сәйкес бюджетпен есеп айырысулардың жай-күйі, сондай-ақ әлеуметтік аударымдар туралы жеке шоттан үзінді көшірме алуға;

15) осы бұйрыққа 15-қосымшаға сәйкес салықтарды, бюджетке төленетін төлемдерді, кедендік төлемдерді, өсімпұлдарды, пайыздар мен айыппұлдарды есепке жатқызу және (немесе) қайтару жүргізуге;

16) осы бұйрыққа 16-қосымшаға сәйкес бақылау-касса машинасын салық органдарында есепке қою туралы;

17) осы бұйрыққа 17-қосымшаға сәйкес бақылау-касса машинасын есептен шығару туралы;

18) осы бұйрыққа 18-қосымшаға сәйкес салықтарды және (немесе) төлемақыларды төлеу жөніндегі салық міндеттемесін орындау мерзімдерін өзгерту туралы;

19) осы бұйрыққа 19-қосымшаға сәйкес қосылған құн салығының асып кеткен сомаларының дұрыстығын растау бойынша.