
Қазақстан Республикасы Қаржы министрлігінің
Мемлекеттік кірістер комитеті
Баспасөз релизі
5000 теңге пара бергені үшін жауапкершілікке тартылды
ҚР ҚМ Мемлекеттік кірістер комитетінде өз құрамында сыбайлас жемқорлыққа апаратын жағдайларға қарсы тұру және жолын кесу мақсатында ұдайы жұмыстар жүргізіліп келеді.
Қазақстан Республикасы Үкіметінің 2015 жылғы 30 желтоқсандағы №1131 қаулысымен бекітілген сыбайлас жемқорлық құқық бұзушылық фактісі туралы хабарлаған немесе сыбайлас жемқорлыққа қарсы іс-қимылға өзге де жолмен жәрдемдесетін адамдарды көтермелеу қағидаларына сәйкес, Маңғыстау облысы бойынша Мемлекеттік кірістер департаменті Заң басқармасының жетекші маманы П.Қ. Қылышбай бір жолғы ақшалай сыйақы түрінде 40 АЕК мөлшерінде марапатталды.
П.Қ. Қылышбай сыбайлас жемқорлық көріністеріне төзбеушілік танытқаны үшін, атап айтқанда, өз құзыретіне кіретін мәселелерді жедел қарау және Маңғыстау облысы бойынша МКД ішкі қауіпсіздік басқармасына уақытында жүгінгені үшін 5000 теңге сомасында пара алудан бас тартқаны үшін ақшалай көтермелеу алды.
Қабылданған шаралармен пара беруші «Қылмыстық құқық бұзушылық туралы» ҚР кодексінің 367-бабы 1-бөлігімен (пара беру) кінәлі деп танылып, оған жаза түрінде белгіленген айыппұл 20 АЕК мөлшерінде.
Осыған байланысты, Маңғыстау облысы бойынша Мемлекеттік кірістер департаментінің Ішкі қауіпсіздік басқармасы сыбайлас жемқорлық құқық бұзушылық фактілері туралы шынайы ақпарат немесе Мемлекеттік кірістер органдарында сыбайлас жемқорлыққа қарсы іс-қимылға өзге де жолмен жәрдем көрсету үшін азаматтар мен заңды тұлғалар
8 (7292) 40-36-59, WhatsApp 8 707-991-39-86 телефоны бойынша хабарласа алатынын хабарлайды.
ҚР ҚМ Мемлекеттік кірістер комитетінің
Баспасөз қызметі
(Жеңіс д., 11)