Астық нарығының қатысушыларына қосылған құн салығын оңайлатып қайтару бойынша пилоттық жоба Қағидалары тек ұсыныс ретінде жасалған және міндетті емес.

Пилоттық жобаға қатысушылар:

1) «Атамекен» Ұлттық кәсіпкерлер палатасы;

2) мемлекеттік кірістер органдары;

3) астық айналымы саласында Меморандум жасасқан астық нарығына қатысушылар (импорттаушылар, өндірушілер, бидай экспорттаушылар мен олардың жабдықтаушылары).

Қазіргі уақытта 20 салық төлеуші жобаға қатысуда, оның ішінде 7 бидай экспортын жүзеге асырушылар мен олардың 13 жабдықтаушысы.

Меморандум жасасу өз еркімен жүзеге асады. Кез-келген компания жобаға қатыса алады.

Алғашқы қатысушылар жетекші экспорттаушылар болды және болашақта тізім кеңейеді деп пайымдалуда.

Жоба Меморандумға қатысушының таңдауы бойынша екі нұсқада ҚҚС қайтаруды көздейді:

1) камералдық бақылау жүргізбестен 15 жұмыс күні ішінде – банктік кепілдік болған кезде;

2) камералдық бақылау жүргізілген жағдайда, күнтізбелік 100 күн ішінде – банктік кепілдік болмаса.

Меморандумға қатысушыларға бұзушылықтарды өз еркімен жою құқығы беріледі. Жойылған бұзушылықтар бойынша ҚҚС қайтарылады. Қолданыстағы тәртіпте мұндай мүмкіндік көзделмеген.

Пилоттық жобаның мәні - салық төлемейтін жосықсыз делдалдардың санын азайту.