ҚР ҚМ Мемлекеттік кірістер комитеті сыртқы экономикалық қызметке қатысушылардың, тасымалдаушылардың, экспедиторлардың, кеден өкілдерінің және басқа да мүдделі тұлғалардың назарына "Қазақстан Республикасының аумағынан мұнай өнімдерін әкетудің кейбір мәселелері туралы" бірлескен бұйрыққа сәйкес көліктің барлық түрлерімен: бензинмен, дизель отынымен Қазақстан Республикасының аумағынан төрт ай мерзімге әкетуге тыйым салынатынын жеткізеді және мұнай өнімдерінің жекелеген түрлері (ЕАЭО СЭҚ ТН 2710, 3403, 3811, 3826 00), майлау майларын қоспағанда (ЕАЭО СЭҚ ТН 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0).

Бірлескен бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Осыған байланысты, аталған тауарларды Қазақстан Республикасынан тыс жерлерге әкету жөніндегі қызметті жүзеге асыру кезінде көрсетілген тыйымды сақтау қажеттігіне назар аударуды сұраймыз.