Көптеген салық төлеушілер салық есептілігін мерзімі аяқталуға таянғанда соңғы күндері тапсырады, бұл өз кезегінде жүйеге және байланыс желілеріне жүктемені өсіреді. Осыған орай, ҚР ҚМ Мемлекеттік кірістер комитетінде жүктеменің өсуін болдырмау үшін салық есептілігін алдын ала ұсынуды сұрады.

2021 жылғы 18 ақпанда сағат 17:00-де «СОНО» ақпараттық жүйесіндегі өңдеудегі кідірістерге байланысты салық төлеушілердің кезекті салық есептілігін екі рет (қайталанып) жіберу және қабылдау фактілері (5 мыңнан астам) анықталған. 2022 жылғы 21 ақпанда сағат 02:54-те қалпына келтіру жұмыстары аяқталды.

Қалыптасқан жағдайды шешу мақсатында салық төлеушілерге салық органына қате ұсынылған салық есептілігін жою әдісімен кері қайтарып алу, сұрақтар туындаған жағдайда пайдаланушыларға техникалық қолдау қызметіне жүгіну ұсынылады (sonosd@kgd.minfin.gov.kz). Осылайша, ҚР ҚМ МКК осы бағытта жүйелі жұмыс жүргізуде.

«2022 жылғы 31 наурызда 2021 жылға жылдық салық есептілігін ұсыну мерзімі аяқталады. Осыған байланысты салық есептілігін алдын ала ұсынуды немесе ұсыну мерзімдерін ұзарту үшін стандартты тетіктерді алдын ала пайдалануды ұсынамыз», - деп ескертті Мемлекеттік кірістер комитетінде.

Салық кодексінің 212-бабына сәйкес, салық төлеушілердің тауарларды әкелу және жанама салықтардың төленгені туралы өтінішті қоспағанда, салық есептілігі электрондық нысанда табыс етілген жағдайда оны табыс ету мерзімін ұзартуға құқығы бар.

Мерзімді ұзарту үшін тіркелген жеріндегі мемлекеттік кірістер органына немесе «Азаматтарға арналған үкімет» мемлекеттік корпорациясына салық есептілігін табыс ету үшін Салық кодексінде белгіленген мерзім өткенге дейін уәкілетті орган белгілеген нысан бойынша қағаз жеткізгіште немесе электрондық нысанда хабарлама жіберу қажет.

Хабарламаны электрондық нысанда келесі жолдармен жіберуге болады: ҚР ҚМ Мемлекеттік кірістер комитетінің «Салық төлеуші кабинеті» web-қосымшасы, «Электрондық үкімет» порталы (egov.kz).

Корпоративтік табыс салығы бойынша аванстық төлемдер сомаларының есебін қоспағанда, салық есептілігін табыс ету мерзімі кезеңге ұзартылады:

- корпоративтік табыс салығы немесе жеке табыс салығы бойынша декларацияны табыс ету үшін белгіленген мерзімнен бастап күнтізбелік отыз күннен аспайтын мерзімде табыс етіледі;

- салықтардың, бюджетке төленетін төлемдердің, әлеуметтік төлемдердің өзге де түрлері бойынша декларацияны және (немесе) есеп-қисапты табыс ету үшін белгіленген мерзімнен бастап күнтізбелік он бес күннен асырмай;

- тәуекелдерді басқару жүйесі бойынша тәуекелдер деңгейі төмен салық төлеушілер үшін салықтардың, бюджетке төленетін төлемдердің, әлеуметтік төлемдердің өзге де түрлері бойынша декларацияны табыс ету үшін белгіленген мерзімнен бастап күнтізбелік отыз күннен аспайды.