МЕМЛЕКЕТТІК КІРІСТЕР КОМИТЕТІ

ҚАЗАҚСТАН РЕСПУБЛИКАСЫ ҚАРЖЫ МИНИСТРЛІГІ

БАСПАСӨЗ ХАБАРЛАМАСЫ

Нұр-Сұлтан қ.                                                                                   2021 ж. 10 наурызы

Шағын кәсіпкерлік субъектілері үшін ЭШФ қарапайым нысанын іске асыру туралы

Қосылған құн салығын төлеуші ретінде тіркелмеген салық төлеушілер ЭШФ-ны қалай жазып береді, ал ЭШФ-ның қарапайым нысанын қашан  қолдануға болады? Осы сұрақтарға ҚР ҚМ Мемлекеттік кірістер комитетінде жауап берді.

Салық кодексіне сәйкес 2021 жылғы 1 сәуірден бастап қосылған құн салығын (ҚҚС) төлеуші ретінде тіркелмеген салық төлеуші құны 1000 еселенген АЕК-тен (2,9 млн. теңгеден астам) асатын тауарларды өткізу кезінде ЭШФ ақпараттық жүйесінде шот-фактура жазып беруге тиіс.

Мұндай ЭШФ тауарды сатып алушы үшін осындай тауарларды сатып алу бойынша шығыстарды корпоративтік немесе жеке табыс салығын есептеу мақсатында шегерімге жатқызу үшін негіз болып табылады.

Бүгінгі таңда ЭШФ жазып беру бойынша функционал ЭШФ АЖ сайтында да, сондай-ақ PLAY MARKET-те қолжетімді ЭШФ АЖ мобильді қосымшасында да іске асырылған. ЭШФ АЖ-да және мобильдік қосымшада жұмыс істеу Ұлттық куәландырушы орталықтың ЭЦҚ-сын пайдалана отырып, тегін жүзеге асырылады, оларды ХҚКО-дан тегін алуға болады.

Шағын және микро бизнес өкілдерінің ЭШФ жазып беруінің баламалы оңайлатылған нұсқасы ретінде «ЭШФ қарапайым нысаны» деп аталатын онлайн БКМ чектерін өңдеу тетігі негізінде салық төлеушінің қол қоюы үшін ЭШФ қалыптастыру мүмкіндігі іске асырылатын болады.

Бұл тетіктің мәні Жүйе онлайн БКМ чегіндегі ақпаратты, сондай-ақ салық төлеушінің Виртуалды қоймасындағы ақпаратты өңдей отырып, салық төлеушіге автоматты түрде ЭШФ қалыптастыратын болады, оны да жүйе салық төлеушінің қатысуынсыз автоматты түрде жүргізетін болады.

Ол үшін салық төлеуші қағып тастайтын онлайн БКМ чектерінде жаңа «Тауардың сәйкестендіргіші» және сатып алушының ЖСН/БСН, яғни ЖК мен заңды тұлғаның жаңа жолдары болуы тиіс.

ЭШФ АЖ мен фискалдық деректер операторы арасындағы өзара іс-қимыл негізінде мұндай чектер ҚР ҚМ МКК берілетін болады. Мұндай рәсімдерді ресми интернет-ресурста іске асыру үшін www.kgd.gov.kz Жаңа жолдарды қосуды ескере отырып, фискалдық деректер операторларының серверіне деректерді тіркеу және (немесе) беру функциясы бар бақылау-касса машиналарынан деректерді беру хаттамасы жаңартылды.

Фискалдық деректер операторларының бағдарламалық-аппараттық кешендерін жетілдіру қалай аяқталады, БКМ мемлекеттік тізіліміне енгізілген онлайн-БКМ модельдерін қайта тігу талап етіледі. Хаттамаға көшу мерзімі туралы қосымша хабарланатын болады.

Бұл ретте күні 2021 жылғы сәуірге келетін ЭШФ жазып беру мерзімі бір айға ұзартылатын болады.

Микро және шағын бизнес субъектілері жоспарланған Пилоттық жоба барысында «Тауардың сәйкестендіргіші» және «Сатып алушының ЖСН/БСН» («ЭШФ қарапайым нысаны») жолдарын қамтитын БКМ өңделген чектерінің негізінде ЭШФ баспа нысанын қолдана алады.

«Бұдан басқа, уақытша тетік ретінде 1 сәуірден бастап салық төлеушілерге «step-by step» (қадам бойынша) қағидаты бойынша ЭШФ жазып беру ұсынылады. Оның шеңберінде салық төлеуші ЭШФ АЖ-да чектің нөмірін және фискалдық белгісін, сондай-ақ алушының ЖСН/БСН көрсетеді және виртуалды қоймадан сатылған тауарды таңдайды. Бұл жағдайда Жүйе сатушының қол қоюы және сатып алушыға жіберуі үшін ЭШФ қарапайым нысанын автоматты түрде қалыптастырады», - деп хабарлады МКК Баспасөз қызметінде.

Сондай-ақ МКК чек нысанын өзінің «e-Salyk Business» мобильді қосымшасында пысықтайды. Сонымен қатар онлайн кассаларды жасаушылардың мобильді қосымшалары бейімделетін болады.