ҚАЗАҚСТАН РЕСПУБЛИКАСЫ ҚАРЖЫ МИНИСТРЛІГІНІҢ

МЕМЛЕКЕТТІК КІРІСТЕР КОМИТЕТІ

БАСПАСӨЗ РЕЛИЗІ

Марат Сұлтанғазиев Мемлекеттік кірістер комитетінің төрағасы болып тағайындалды

Бүгін, 2018 жылдың 18 қазанында, Қаржы министрі Смайылов Әлихан Асханұлы Мемлекеттік кірістер комитетінің ұжымына жаңа Төрағаны таныстырды. Комитеттің Төрағасы болып Марат Елеусізұлы Сұлтанғазиев тағайындалды.

Осы лауазымға тағайындалғанға дейін Марат Сұлтанғазиев Қазақстан Республикасы Президенті Әкімшілігінің  Әлеуметтік-экономикалық мониторинг бөлімі меңгерушісінің орынбасары болып қызмет атқарған.

Марат Елеусізұлы Сұлтанғазиев 1976 жылы Алматы облысында дүниеге келген.

Білімі – экономист-қаржыгер, заңгер, іскерлік әкімшілендіру магистрі, Абай атындағы Алматы мемлекеттік университетін, Қазақ мемлекеттік заң академиясын, Т.Рысқұлов атындағы Қазақ экономикалық университетін тәмамдаған.

Еңбек жолын Алматы қаласында салық органдары жүйесінен бастап, әр түрлі лауазымдарда ұзақ уақыт қызмет еткен. Кейінірек, Қаржы министрлігінде департамент директоры, одан соң  - Қазақстан Республикасы Президенті Әкімшілігінің  Әлеуметтік-экономикалық мониторинг бөлімінің сектор меңгерушісі, өткен жылы Алматы қаласы бойынша Мемлекеттік кірістер департаментін басқарған.

 ҚР ҚМ Мемлекеттік кірістер комитетінің

Баспасөз қызметі

(Жеңіс даңғылы, 11)