ҚР Қаржы министрінің 19.10.2016ж. №№ 553, 554 бұйрықтарымен 017.00, 018.00 нысандар бойынша есептілікті жасау (толтыру) және табыс ету тәртібі белгіленген. Көрсетуге жататын деректер жоқ болған кезде, Тәртіпке сәйкес 018.00 н. есептілік нөлдік мәндермен ұсынылады. Осы есептілікті табыс ету алынған ақшаны толық жұмсағанда ғана тоқтатылады. Осыған байланысты, 018.00 н. есептілікте 1 тоқсанда алынған ақша 018.01 нысанында, ал 018.02 нысаны «нөлдік» мәндерімен көрсетіледі. 2 тоқсанға - 018.01 және 018.02 нысандар «нөлдік» мәндерімен тапсырылады. 3 тоқсанға 018.01 нысаны – «нөлдік» мәндерімен, 018.02 нысаны – алынған ақшалардың шығындары көрсетіледі.