Жарияланған күні: 26.11.2014 01:01
Өзгертілген күні: 01.03.2019 17:44

20.11.18ж. Бұйрық 1019 айқындау.

Қазақстан Республикасы

Қаржы министрлігі

Мемлекеттік кірістер комитеті төрағасының

    2019 жылғы «19» ақпандағы

№_80_ бұйрығымен бекітілген

Қазақстан Республикасының мемлекеттік кірістер органдарының

2019-2021 жылдарға арналған даму стратегиясы

 

 

Кіріспе

 

Осы Қазақстан Республикасының мемлекеттік кірістер органдарының 2019-2021 жылдарға арналған даму стратегиясы мемлекеттік жоспарлаудың орта мерзімді кезеңге арналған құжаты болып табылады және Мемлекет басшысының Қазақстан Республикасы Үкіметінің алдына қойған басым міндеттерін іске асыруда әзірленген.

 

Құжаттар

Міндеттер

05.10.2018ж.

Жолдау

Мақсат – Қазақстанның әл-ауқатын арттыру, табыс пен өмір сапасын арттыру

- ЭТҚ қайта ұйымдастыру

- көлеңкелі айналымды 40%-ға қысқарту, қолма-қол ақшасыз экономиканы ынталандыру

- Салық және кедендік АЖ интеграциясын аяқтау

- ШОБ үшін салықтық рақымшылық

31.01.2017ж. Жолдау

Мақсат – экономиканы цифрландыру арқылы жаңғырту, жаһандық бәсекеге қабілеттілік

- Бизнесті-реттеу

- Фискалды орталықсыздандыру

- салықтық әкімшілендіру механизмдерін жақсарту

«100 нақты қадам» Ұлттық жоспары

Мақсат –дамыған 30 елдің қатарына кіру, индустрияландыру және экономикалық өсу

- 38-қадам – E-терезе, электрондық декларация

- 39-қадам – Салық және кедендік АЖ интеграциясы

- 42-қадам – Жалпыға бірдей декларацияны енгізу

- 43-қадам – салықтық декларацияларды қабылдау және өңдеу үшін орталықтар желісін құру

Қазақстан Республикасы Президенті Н.Ә. Назарбаевтың 2018 жылғы 5 қазандағы Қазақстан халқына Жолдауы аясында Қазақстан Республикасы Қаржы министрлігінің Мемлекеттік кірістер комитетінің (бұдан әрі – Комитет) қызметіндегі негізгі басымдылық мемлекеттік кірістер органдарының қызметіне халықтың қанағаттану деңгейін арттыру, бизнесті жүргізу және мемлекеттің мүддесін қорғау үшін қолайлы жағдайлар жасау болып табылады.

Тарихи жағынан алғанда, мемлекеттік кірістер органдарының басты міндеті бюджетке салық пен төлемдер түсімінің толықтығын қамтамасыз ету болды, бұл ретте бизнеспен әріптестікті дамыту клиенттер үшін қолайлы жағдай жасау жөніндегі міндеті екінші кезекте болды.

Экономикалық ынтымақтастық және даму ұйымының алдыңғы қатарлы елдерінің, атап айтқанда Сингапурдың тәжірибесін зерделеп, Комитеттің міндеттерін сапалы орындау, соның ішінде мемлекетті тұрақты табыспен қамтамасыз ету индикаторлары, тамаша қызмет көрсету және міндеттемелерді ерікті түрде орындауды ынталандыру болып табылады.

Заңды ерікті түрде сақтау деңгейін арттыру, бизнес субъектілер мен жұртшылықтың мемлекеттік кірістер органдарымен өзара іс-қимыл жасау кезінде уақыт және қаржылық шығындарын қысқарту үшін электронды қызмет көрсетуді дамыту, мемлекеттік кірістерді әкімшілендіру процестерін автоматтандыру және бақылау функцияларын кейін қашықтықтан мониторингтеуге ауыстыру арқылы бақылаудың байланыссыз әдістерін енгізу қажет.

Мемлекет пен бизнестің өзара іс-қимыл стратегиясында өзара іс-қимыл механизмі белгіленген, онда бизнес-қоғамдастықпен ынтымақтастықты және диалогты дамытудың негізін қалаушы қағидалар айқындалған.

 

Қазақстанның қанағаттануының ең жоғарғы деңгейін қамтамасыз ету және жаһандық мақсатқа қол жеткізу – 2050 жылға қарай әлемнің дамыған 30 елдің қатарына қосылу үшін, Комитет 3.0 Мемлекеттік қаржыландыруды жаңғырту шеңберінде ЭЫДҰ елдерінің деңгейіне дейін салық жинауды арттыру  жөніндегі жобаны іске асыруда.

Осы Жобаның шеңберінде Комитеттің қызметінде цифрландыру құралдарын енгізу, мемлекеттік кірістер органдарының ақпараттық жүйелерін интеграциялау, құжаттамалық және физикалық қадағалауды қамтамасыз ететін ақпараттық жүйе кешенін білдіретін, тауарларды таңбалау мен қадағалаудың ұлттық жүйесін енгізу.

Жоба бастамаларын іске асыру, атап айтқанда салықтық және кедендік ақпараттық жүйелерді интеграциялау салықтық және кедендік әкімшілендірудің айқындығына, әкімшілік кедергілерді азайтуға және кедендік операцияларды жүзеге асыру бойынша Бірыңғай терезе енгізу арқылы сыртқы экономикалық қызметке қатысушылардың уақыт шығындарын азайтуға әкеледі, осылайша экономикадағы көлеңкелі айналымды азайтуға қосымша серпін береді.

Көлеңкелі экономика еліміздің экономикалық қауіпсіздігіне елеулі қауіп төндіреді, ол ел экономикасына кедергі келтіреді, жемқорлыққа жағдай жасайды, теңгерімсіздіктерге әкеледі және мемлекет пен қоғам арасындағы  байланыс бұзылады, өзара сенім жоғалады, өзара іса-қимылда болу қағидалары бұзылады.

Тəуекелдерді басқару жүйесін жетілдіруге назар аудару керек, бұзушылықтың деңгейі жоғары аймақтарға назарды шоғырландыру, акцентті ақпараттық жүйелерден алынған мәліметтерді пайдаланып қашықтықтан мониторингке көшіру жəне қолма-қол ақшасыз төлемдерді ынталандырумен қатар салықтық міндеттемелерді ерікті түрде орындау принциптерін кеңейту  қажет.

Көлеңкелі айналымды төмендету және тұтынушылардың құқықтарын қорғауға ықпал ететін шаралардың бірі – 2020 жылдан бастап деректерді онлайн түрде беру функциясы бар бақылау-кассалық машиналарын пайдалануға, сонымен қатар кірістер мен шығыстарды жалпығы бірдей  декларациялауды енгізуге толық көлемде көшу болып табылады. Жалпыға бірдей декларациялау жүйесін енгізу салықтық әкімшілендіруді барынша қамтуға және салықтардың толық төленуін қамтамасыз етуге мүмкіндік береді.

Қазірдің өзінде деректерді онлайн түрде беру функциясы  бар бақылау-кассалық машиналарын енгізудегі оң тиімділіктер туралы айтуға болады, ол импорттан бастап бөлшек саудада өткізуге дейін тауарларды қадағалау және көлеңкелі табыс көздерін ашу жүйесіндегі буынның бірі болып табылады. Мысалы, 2018 жылы талдау нәтижесі бойынша күніне бір чек берген не күн сайын түсімнің бірдей сомасын көрсеткен сауда субъектілерінің (68 мың субъектінің 1,7 мыңы) түсімі шамамен 3 есеге көтерілді (68,4-тен 171,1 млн. теңгеге дейін) бюджетке 530 млн. теңгеден астам қаржы түсті.

Осы барлық кешенді шаралар мемлекеттік кірістер органы ұсынатын мемлекеттік қызметтердің сапасына қанағаттану деңгейін арттырады, нәтижесінде салықтық және кедендік міндеттемелер туралы ақпараттандыру деңгейіне оң әсерін тигізетін және салықтарды және бюджетке төленетін басқа да міндетті төлемдерді ерікті түрде төлеу деңгейінің өсуіне әкелетін, мемлекеттік пен бизнес арасындағы өзара іс-қимыл үшін негіз құруға мүмкіндік береді.

 

1. Миссия

 

Мемлекеттік кіріс органдары – жоғары тиімділіктегі басқару жүйесі бар, салықтар мен бюджетке төленетін басқа да міндетті төлемдерді ерікті түрде төлеуге және еркін халықаралық сауданы ынталандыру және экономикалық қылмыстың жолын кесу мен тергеу мақсатында адал салық төлеушілер мен сыртқы экономикалық қызметке қатысушылар үшін қолайлы ортаны жасаушы,  клиентке бағдарланған қызмет.

Қабылданатын іс-шараларды іске асыру кезінде басты міндет бизнес-қауымдастықпен сенім мен әріптестікті қамтамасыз ету мен мемлекеттік кірістердің толықтығын қамтамасыз ету, бизнесті жүргізу үшін қолайлы экономикалық ортаны жасау және қоғамның мүдделерін қорғау арасындағы қажетті тепе-теңдікті сақтау болып табылады.

Біздің миссия: «Бизнес және тұрғындар үшін жағдайды жақсарту, салықтық және кедендік әкімшілендірудің айқын жүйесін қамтамасыз ету, мемлекеттің мүдделерін қорғау және мемлекетті тұрақты кіріспен қамтамасыз ету арқылы қолайлы экономикалық орта жасау».

 

 

2. Болашақтағы көрінісі

 

«Біз жоғары тиімділікпен, заманауи басқару жүйесі бар және акцент біз көрсететін қызметке қоғамның барынша қанағаттануына бағытталған прогрессивті мемлекеттік органбыз».

Негізі жоғары тиімділікпен басқару жүйесі жұртшылықтың сенімі мен құрметіне ие болатын, сонымен бірге салықтық және кедендік әкімшілендіру процестерін оңайлату үшін заманауи ақпараттық технологияларды қолданатын кәсіби команда болмақ.

 

 

3. Принциптер

 

Мемлекеттік кірістер органдары мынадай принциптерді басшылыққа алады:

1) Заңның үстемдігі. Комитет өз қызметінде заңнамалық нормаларды мүлтіксіз сақтайды және процеске қатысушылардың нормаларды сақтауын қамтамасыз етеді. Комитет шешім қабылдауда жан-жақты, объективті және бейтарап көзқарасқа кепілдік береді.

2) Көрсетілетін қызметі алушыларға назар аудару. Комитет әрбір көрсетілетін қызметі алушыға құрмет көрсете отырып және мұқият бола отырып жоғары деңгейде мемлекеттік қызмет көрсетуді қамтамасыз етеді.

3) Кедергі болмау. Комитет ол заң талаптарына сәйкес жұмыс істесе, бизнес қызметіне орынсыз араласпайды. Адал субъектілерді көтермелейді және бақылауды бұзушыларға шоғырландырады.

4) Ынтымақтастық және әріптестік. Комитет кәсіпкерлік ортамен, жұртшылықпен және мемлекеттік органдармен ортақ мақсатта бірлескен жұмысты ұйымдастыруға ұмтылады.

5) Айқындық және жариялылық. Комитеттің қызметі мен жоспарлары айқын, қызметкерлер диалог пен қарым-қатынасқа ашық. Комитет қоғамға түсіндіру сипатында толық көлемде және жедел көмек көрсетуге дайын.

6) Рационалдылық және инновация. Комитет ресурстарды оңтайлы түрде бөледі, жаңашылықтарды, қазіргі заманғы ақпараттық технологияларды және жоғары тиімділіктегі жұмыс әдістерін енгізеді.

7) Кәсіпқойлық пен патриотизм. Комитет әрбір қызметкердің кәсіби деңгейін көтеру үшін корпоративтік мәдениетті дамытуға жағдай жасайды және әділ мансаптық өсуге ықпал етеді. Қызметкерлерден ел мүддесін қорғауды және моральдық-этикалық нормаларды сақтауды, өз міндеттерін мүлтіксіз  орындауды, адалдық пен пара алмаушылықты талап етеді.

 

 

 

4. 2018-2020 жылдардағы қалыптасу кезеңіндегі мәселелері

 

Перспектива кезеңінде бірқатар кедергілерді еңсеруіміз керек:

мемлекеттік кірістер органына бизнестің сенімсіздігін жою;

ресурстарды цифрландыру деңгейінің жеткіліксіз болуы;

әкімшілендіру әдісітері мен құралдарының жетілдірілмеуі;

ақпарат алмасудың халықаралық стандарттарға сәйкес келмеуі;

көлеңкелі экономиканың жоғары деңгейі;

сыбайлас жемқорлықпен байланысты ортаның болуы;

қызметкерлердің біліктілік деңгейінің жеткіліксіз, материалдық базасының әлсіз болуы.

 

5. Комитеттің басым бағыттары мен мақсаттары

 

Комитеттің алдына қойылған міндеттерді тиімді іске асыру үшін, қызмет көрсетудің парадигмасын түбегейлі өзгертуді, жаңа салалар мен бағыттардың пайда болуын, заманауи технологиялық трендтерді ескере отырып, Комитет қызметін фискалдыдан клиентке бағдарланған бағытқа қайта бағыттау керек.

Интеграциялық процестерді жеделдету, кірістерді әкімшілендіруде кешенді тәсілдерді қолдану, бизнесті тіркеуден бастап, таратуға өтінім бергенге дейін қызмет көрсетудің барлық процесінде клиенттерді қанағаттандырудың жоғары деңгейін қамтамасыз ету үшін негіз ретінде мемлекеттік кірістер қызметтің жоғары тиімділігін қалыптастырудың басы ретінде, Комитеттің ұйымдық құрылымын қайта қарау қарастырылады.

Бизнес пен тұрғындар үшін жақсы жағдай жасау, салықтық және кедендік әкімшілендірудің айқын жүйесімен қамтамасыз ету, мемлекетті тұрақты кірістермен қамтамасыз ету жөніндегі Комитеттің миссиясын жүзеге асыру үшін Комитет, Комитеттің стратегиялық картасында көрініс тапқан міндеттемелерді орындауға деген олардың көзқарасы бойынша салық төлеушілерді санаттау  моделін қолданды.

Осы стратегиялық картаны қолдану Қазақстан Республикасындағы мемлекеттік жоспарлау жүйесінің стратегиялық бағдарламалық құжаттарында (Мемлекет басшысының Жолдауы, мемлекеттік бағдарламалар, Қазақстан Республикасы дамуының негізгі стратегиялық индикаторы және т.б.) айқындалған міндеттерге толығымен сәйкес келеді, сондай-ақ бизнес-қауымдастықпен әріптестік қатынастар орнатуға және Қазақстан Республикасының мемлекеттік кірістер органдарының имиджін арттыруға ықпал ететін болады.